თბილისი (GBC) - "ბილაინი“ ჩვეულებრივ აგრძელებს მუშაობას და მისი 1.3 მილიონამდე მომხმარებლის მომსხურებას, მის 350-ზე მეტ თანამშრომელთან ერთად, - ასე პასუხობს ბრენდის მფლობელი ვიონი საქართველო კომუნიკაციების კომისიის თავმჯდომარის განცხადებას. 

კახა ბექაურის განცხადებით, „ბილაინს" გადაწყვეტილი აქვს  საქართველოს   ბაზრიდან  გავიდეს. 

"2018 წელი კომპანიამ წარმატებით დაასრულა და განახორციელა 21 მილიონი ლარის მოცულობის ინვესტიცია ინფრასტრუქტურისა და პროდუქტების განვითარებაში და უფრო დიდ ინვესტიციას განახორციელებს 2019 წელს. 

„ბილაინი“ დიდი ჯგუფის ნაწილია და როგორც ნებისმიერი მსგავსი ზომის ჯგუფის შემთხვევაში, შეიძლება მოხდეს კომპანიების ყიდვა და გაყიდვა - ეს ბიზნესის წარმართვის ჩვეულებრივი ნაწილია. ამ ეტაპზე გაყიდვის წინადადება არ არსებობს და კომპანია განაგრძობს განვითარებას, რომ შექმნას კიდევ უფრო მეტი ღირებულება მისი თანამშრომლებისთვისა და მომხმარებლებისთვის“, - ნათქვამია კომპანიის განცხადებაში. 

 კახა ბექაურმა  სატელეკომუნიკაციო ბაზარზე კონკურენციის შესუსტებაზე დაიჩივლა, თქვა, რომ გაჩნდა  რისკი  მნიშვნელოვანი ძალაუფლების მქონე ოპერატორებმა თავისი ძალაუფლების ბოროტად გამოყენება სცადონ.