თბილისი (GBC) - საქართველოში ოქროსა და სპილენძის მომპოვებელ RMG Copper -სა და RMG  Gold -ს ახალი აღმასრულებელი დირექტორი ჰყავს. 

კომპანიების აღმასრულებელ  დირექტორად თორნიკე ლიპარტია დაინიშნა. მან ამ პოსტზე ჯონი შუბითიძე შეცვალა. 

35 წლის თორნიკე ლიპარტია დაწინაურებამდე, RMG -ში მოპოვებისა და გადამუშავების დარგში წარმოების დირექტორი იყო. ის პროფესიით გეოლოგია. კომპანიაში 2007 წელს მივიდა და შეიძლება ითქვას ყველა საფეხური გაიარა. 

RMG- ს არაერთი პროექტი აქვს დაგეგმილი, მათ შორის მოპოვება/გადამუშავების  გაუმჯობესება და კარიერების რეკულტივაცია. 

RMG  GOLD 2025 წლამდე დაახლოებით, 13 685.54 კგ ოქროს მოპოვებას ვარაუდობს.

კომპანია ამჟამად რამდენიმე პროექტზე მუშაობს. კერძოდ, გრძელდება საყდრისის საბადოდან მადნის მოპოვება/ გადამუშავება, ასევე ხდება უკვე გადამუშავებული მადნის მესამედ გადამუშავება. მიმდინარეობს ე.წ. აგლომერაციის პროექტი, რაც გულისხმობს ბარიტის მადნის შერევას უკვე გადამუშავებულ მადანთან. გარდა ამისა მიმდინარეობს საყდრისის საბადოდან მადნის მოპოვება სს „არემჯი კოპერზე“ მისაწოდებლად.