თბილისი (GBC) –  „ფინკა“    სააქციო სესხის განაკვეთს  პოტენციურ მსესხებელს არც საახალწლო სიუპრიზად გააცნობს.

ფინკა ერთადერთია ბაზარზე, რომლის შეთავაზებაში განაკვეთი არ ფიგურირებს,  კონფიდენციალურია და მხოლოდ მაშინ მჟღავნდება თუ მომხმარებელი განაცხადს შეავსებს.

ბანკი 3 000 ლარამდე  სწრაფ სესხებს გასცემს და 30 000 ლარამდე სამომხმარებლოს.  10 000 ლარამდეა უზრუნველყოფის გარეშე სესხის მოცულობა. 

არასრული 2018-ის მონაცემებით, ბანკს  227 მლნ ლარის  სასესხო პორტფელი აქვს და 37.4 მლნ-ის დეპოზიტები.

11 თვის წმინდა მოგება  2.571 მლნ ლარია.

ფინკა საზედამხედველო კაპიტალით (58.6 მლნ) ბოლოდან მე-2 ადგილზეა. როგორც იცით, 1 იანვრიდან 50 მლნ სავალდებულო ნორმაა.