თბილისი (GBC) - კრიზისი დასრულდა - Georgian Airways  -ი  მგზავრებს გეთვიკის აეროპორტში იხმობს.

კომპანიის ცნობით, ავიარეისი  ლონდონი-თბილისი    (A9 752) განხორციელდება დღეს (21.12) ლონდონის დროით 11:30 საათზე.

"განახლებული რეისის შესახებ ჩვენი „ქოლ-ცენტრი“ინფორმაციას აწვდის მგზავრებს. თუმცა, თუ თქვენი ნათესავი/მეგობარი/კოლეგა მგზავრობს რეისით A9 752 ლონდონი-თბილისის მიმართულებით, გთხოვთ შეატყობინოთ განახლებული ფრენის შესახებ. კიდევ ერთხელ გამოვთქვამთ მწუხარებას შეფერხების გამო და მადლობას გიხდით თანამშრომლობისთვის! დამატებითი კითხვების შემთხვევაში, გთხოვთ დაუკავშირდეთ ჩვენს „ქოლ-ცენტრს“ ან მოგვმართოთ ელექტრონულ : ფოსტაზე - info@georgian-airways.com", - ნათქვამია განცხადებაში. 

შეგახსენებთ,  ლონდონის გეთვიკის აეროპორტი გუშინ დაიხურა. ფრენები  მას შემდეგ შეჩერდა, რაც ასაფრენი ზოლის სიახლოვეს უნებართვოდ მფრინავი დრონები აღმოაჩინეს.