თბილისი (GBC) – 2017 წელი საქართველოში თამბაქოს მწარმოებელი  გლობალური  კომპანიია Philip Morris -ისთვის წარმატებული აღმოჩნდა.

„ფილიპ მორისს საქართველოს“ წლიური ამონაგები 138.99 მილიონით (+63.3%), 358.27 მილიონ ლარამდეა გაზრდილი, რაც ნიშნავს 8.5%-იან მთლიანი მოგების მარჟას. 2017 წელს წმინდა მოგებამ 6,856 მლნ ლარი შეადგინა. კაპიტალის უკუგება იყო 114%, 2016 წლის უარყოფითი უკუგების ნაცვლად.

წლის მთლიანი მოგება  9%-ით 30.5 მილიონამდეა გაზრდილი.  აქციზის სახით კომპანიას  ბიუჯეტში 246 მილიონზე მეტი აქვს შეტანილი.

აღსანიშნავია, რომ კომპანია საკმაოდ სოლიდურ თანხებს ხარჯავს მარკეტინგზე. 2017 წელს ეს მაჩვენებელი 11.99 მილიონი იყო, 2016 წელს კი 9 მლნ-ს აღემატებოდა.  

„ფილიპ მორის საქართველოს“  აქციების 100%-ი მფლობელია Philip Morris S.A., რომლის საბოლოო მესაკუთრეა Philip Morris International Inc.

კომპანიის ძირითადი საქმიანობაა საქართველოში სიგარეტის იმპორტი, განბაჟება და ბითუმად გაყიდვა.