თბილისი (GBC) - Doing Business 2019-ის კვლევას გამოცემა Bloomberg ეხმაურება. სტატიაში ნათქვამია, რომ ახლა საქართველოში ბიზნესის კეთება უფრო მარტივია, ვიდრე ამერიკის შეერთებულ შტატებსა და დიდ ბრიტანეთში.

სტატიის მიხედვით, საქართველოში, ახალ ზელანდიასთან ერთად, ბიზნესის დასაწყებად მხოლოდ ერთი პროცედურის გავლაა საჭირო და ეს მსოფლიოში საუკეთესო მაჩვენებელია.

„საქართველოსა და ნორვეგიის მიერ რეიტინგში წინსვლამ ორი პოზიციით უკან დახია დიდი ბრიტანეთი”, – ციტირებს სტატიიდან 1tv.ge

შეგახსენებთ, რომ ბიზნესის კეთების სიმარტივით საქართველო სამი პოზიციით დაწინაურდა და მსოფლიოში მე-6 ადგილზეა.