თბილისი (GBC) -   განახლებულ აბასთუმანში მხოლოდ ელექტრომობილები ივლის  - ბიძინა ივანიშვილი აბასთუმნის მოსახლეობისთვის ელექტრომობილების დარიგებას და ახალი ავტოსადგომის აშენებას განიხილავს.

იდეას  განხორციელების შემთხვევაში  აბასთუმანის ერთ-ერთი ყველაზე სუფთა ქალაქი გახდება.

„მინდა გაზაფხულზე უკვე ეს ექსპერიმენტი დავიწყო, აბასთუმანი გახდეს მხოლოდ ელექტრომობილების რეგიონი, მე საკუთარი ხარჯებით, სახელმწიფოს არ აქვს ამის საშუალება, იქ ადგილობრივებს დავეხმარები და მოვახერხებ, რომ წელსვე პრეცედენტი შეიქმნას...  ჩვენ ამას კარგად გავაპიარებთ ტურიზმისთვის“, - ამბობს ივანიშვილი, აღნიშნავს, რომ ზოგს მანქანას უყიდის, ზოგს კი, არსებულის შეცვლაში დაეხმარება.

„აბასთუმანში  კიდევ ბევრ ძალიან რამეს ვაპირებთ და ვაკეთებთ ხელისუფლებასთან ერთად“, - ამბობს ივანიშვილი.

„ქართული ოცნების“ დამფუძნებელი პრემიერის „მწვანე პოლიტიკის“ იდეასაც იწონებს. მიაჩნია, რომ ავტოპარკის ელექტრომობილეთ ჩანაცვლება შესაძლებელია და  თუ „ყველაფერი სწორად განვითარდა, საქართველო შეიძლება პირველი ქვეყანა იყოს ,რომ ამ დოზით მოვასწროთ მანქანების შეცვლა“.