თბილისი (GBC)- მთავრობა შემოვლითი რკინიგზის ინფრასტრუქტურას მიწისზედა მეტროს ასაშენებლად გამოიყენებს, -  ამის შესახებ პრემიერმა  მწვანე პოლიტიკის პრეზენტაციაზე განაცხადა. 

თბილისის მერის თქმით, მიწისზედა მეტროს მშენებლობა დაიწყება 2019 წლის ბოლოს. იგეგმება სამგორიდან ლილოს მიმართულებით მიწისზედა მეტროს აშენება, ასევე ხაზი აშენდება - სამგორი - აეროპორტი - აეროპორტი - სამგორი. დაახლოებით, 8 ახალი სადგური აშენდება. 

პროექტის ღირებულება დაახლოებით 90 მლნ  დოლარია, აქედან 30 მლნ დაიხარჯება მეტროს ვაგონების ასაშენებლად. ამ ეტაპზე გეგმაშია 10 წუთიანი შუალედებით მეტროს შემადგენლობების მოძრაობა. 

ბახტაძემ თქვა, რომ თავის დროზე, შემოვლითი რკინიგზის პროექტის შეჩერება მოხდა სრულიად ობიექტურად, რადგანაც პროექტი იყო კონტრპროდუქტიული და ჰქონდა სერიოზული   ტექნიკური ნაკლოვანებები. 

შეგახსენებთ აღნიშნული პროექტით, წინა მთავრობა ქალაქის ცენტრიდან რკინიგზის გატანას გეგმავდა. პროექტის ფარგლებში უკვე დახარჯულია 200 მილიონ აშშ დოლარზე მეტი.