თბილისი (GBC) – „კახური ტრადიციული მეღვინეობა კახეთში ახალ ტურისტულ კომპლექსს ხსნის.

KTW-ს  „ღვინის სახლი“ სტუმრებს  20 ოქტომბერს მიიღებს.  კომპლექსი  აერთიანებს: ღვინის მაღაზია-სალონს, სადეგუსტაციო დარბაზსა და კეთილმოწყობილ ტურისტულ ინფრასტრუქტურას.

სტუმრებს შესაძლებლობა ექნებათ მოინახულონ „KTW-ს” ღვინის ქარხანა და გაეცნონ ღვინის წარმოების 8000-წლოვან ტრადიციას, მონაწილეობა მიიღონ ღვინის დეგუსტაციაში და ქართული ტრადიციების შესაბამისად  მოწყობილ  „ქართულ ეზოში“ უშუალოდ  ჩაერთონ    კულინარიულ მასტერ-კლასებში. 

„კახური ტრადიციული მეღვინეობა“ ქართულ ღვინოს და ალკოჰოლურ სასმელებს 2001 წლიდან აწარმოებს და დღემდე  ლიდერი კომპანიის პოზიციას ინარჩუნებს.

კომპანიამ სოფელ პატარძეულში ინვესტირება 2013 წელს ღვინის ქარნის მშენებლობით დაიწყო. სამაცივრე ტექნოლოგიით აღჭურვილი ქარხანა, თანამედროვე სტანდარტების შესაბამისად, ყოველწლიურად 13 მილიონ ბოთლ ღვინოს და ბრენდს აწარმოებს, წლის ბოლომდე კი დაგეგმილია წარმოების 20 მილიონ ბოთლამდე გაზრდა.  პროდუქცია ექსპორტზე 21-მდე ქვეყანაში  გადის.

„KTW-ს  „ღვინის სახლი“ წარმოადგენს კომპანიის მორიგ პროექტს, რომელსაც საფუძვლად უდევს KTW-ჯგუფის უკვე არსებული ობიექტების მიმართ მაღალი ინტერესი და ტურისტული ნაკადის ზრდა ქვეყანაში. კომპანიის ახალი ინვესტიცია ხელს უწყობს, როგორც ღვინის ტურიზმის განვითარებას, ასევე ადგილობრივი მოსახლეობის დასაქმების ზრდას“, - აცხადებენ კომპანიაში.