თბილისი (GBC) – თელიანი ველის ლუდის მწარმოებელ შვილობილ „გლობალ ბიერ ჯორჯიას“ ახალი გენერალური დირექტორი ჰყავს.

პოსტი თორნიკე ნიკოლაიშვილმა ჩაიბარა, რომელსაც ლუდის ბიზნესში მოღვაწეობის მრავალწლიანი გამოცდილება აქვს. წლების განმავლობაში  იყო კომპანია „ნატახტარის“  მარკეტინგის დირექტორი.

2018 წლის 1 მარტიდან კი, „საქართველოს ბანკის“ კომუნიკაციების დეპარტამენტის დირექტორის პოზიციას იკავებდა.

შეგახსენებთ, „გლობალ ბიერ ჯორჯია“ უკვე აწარმოებს ლუდს „აისი“ . აგვისტოდან დაიწყო  ლუდი „კრუშოვიცეს“ წარმოება, თუმცა Heineken®  -ს და Amstel –ის გამოშვება სავარაუდოდ, 6-9 თვის შემდეგ, 2019 წლის პირველი ნახევრისთვის დაიწყება.