თბილისი (GBC) - ფინანსთა სამინისტროს საგამოძიებო სამსახურმა სამშენებლო კომპანია „სვეტის“ დამფუძნებელი გივი ჯიბლაძე დააკავა.

ამის შესახებ ინფორმაცია „კვირას“ ფინანსთა სამინისტროს საგამოძიებო სამსახურში დაუდასტურეს.

ამასთან, უწყების პრესსამსახური დამატებითი ინფორმაციას მოგვიანებით გაავრცელებს.

კომპანია „სვეტს“, შეჩერებული მშენებლობების გამო, ბოლო დროს ბევრი დაზარალებული ჰყავს და ამ საქმეზე გამოძიება მიმდინარეობს.

შეგახსენებთ, გივი ჯიბლაძე 2017 წელის ზაფხულში გატაცებულიც იყო.   გამტაცებლები სამართალდამცველებმა სპეცოპერაციის შედეგად დააკავეს.

გამოძიების მასალებით, 4 პირი გამოძალვისა და თავისუფლების უკანონო აღკვეთის ბრალდებით დააკავეს. ისინი ბიზნესმენს 150 ათას დოლარს სძალავდნენ და 200 კვ.მ ფართის მათზე გადაფორმებას სთხოვდნენ.