თბილისი (GBC) - ფოთის საზღვაო ნავსადგურში 88 -ტონიანი ლოკომოტივი გადამუშავდა.

ნავსადგურის მფლობელი კომპანიის ცნობით, ტრანზიტული ტვირთი ფრანგული კორპორაცია Alstom-ის პროდუქტია, რომელიც საფრანგეთიდან ბაქოსკენ მიემართება და მას მომსახურებას ფორვარდერული კომპანია WELL -ი უწევს.

„მოხარულები ვართ, რომ ვთანამშრომლობთ „ეიპიემ ტერმინალს ფოთთან“, რომელთანაც შევძელით არაგაბარიტული ტვირთის მაქსიმალურად უსაფრთხოდ გადმოცლა. ვფიქრობთ, რომ ტვირთის დარჩენილი ნაწილის ჩამოტვირთვის ოპერაციები ასევე წარმატებით დასრულდება“, - აცხადებენ WELL-ში.

აღსანიშნავია, რომ ნავსადგურმა  უკვე 2 ლოკომოტივი მიიღო და კიდევ 9 ლოკომოტივის მიღებაა დაგეგმილი.