თბილისი (GBC) – Wizz air-ი ქუთაისი - ბარსელონას რეისზე მგზავრების მხოლოდ ნაწილს მოემსახურება.

აღნიშნული რეისით გაფრენას ვერ შეძლებენ მგზავრები, ვისაც  21-30 ადგილებზე  აქვთ ბილეთი შეძენილი.

ისინი ვინც გაფრინდებიან დანიშნულების ადგილზე ჩასვლას ბუდაპეშტის გავლით, თვითმფრინავის გამოცვლის შემდეგ შეძლებს.  

მგზავრების ცნობით, თვითმფრინავში საევაკუაციო ბალიშები გაიხსნა. რამ გამოიწვია შეფერხება ავიაკომპანიაში არ აკონკრეტებენ. 

"გვეუბნებიან პარასკევამდე რეისი არ არის, ან მოიცადეთ ან ფულს დაგიბრუნებთ“, - ამბობენ მგზავრები.  

ვინც თანხის დაბრუნებას გადაწყვეტს 400 ევროს უბრუნებს კომპანია, ვინც რეისზე სხვას ადგილს გაუცვლის მას 100 ევროს უმატებს.