თბილისი (GBC) - 1200 მეწველი ძროხა და 27 ტონამდე დღიური წარმოება - ყვარლის ბაგამ განვითარების 4 ფაზა დაასრულა, -  ბიზნესმენი ლაშა პაპაშვილი GBC-სთან მისი ფერმის “ყვარლის ბაგის“ წარმადობაზე საუბრობს.

მისი თქმით, ფერმამ 5 წლის განმავლობაში განვითარების 4 ფაზა დაასრულა და ეს არის ის მაქსიმუმი რაც ამ ფერმას შეუძლია. ფერმაში  ყოველდღიურად 26-27 ტონა რძეს აწარმოებს.

“ყვარლის ბაგა“  ნატურალურ რძეს სანტეს, აგროჰაბს და ვიმბილდანს აბარებს.

პაპაშვილი სამომავლოდ არ გამორიცხავს, რძის პროდუქტების წარმოებასაც.

ამასთან, ბიზნესმენი მიიჩნევს, რომ მთავრობამ სექტორის ხელშეწყობა უნდა მოახდინოს.

"გაუგებარია რატომ შეაჩერეს პარლამენტში ნატურალური რძის  შესახებ კანონის მიღება, რომელიც ნატურალური რძის დღგ-სგან განთავისუფლებას გულისხმობს. ეს მე არ დამაზარალებს, უბრალოდ, ხელს შეუშლის ნატურალური რძის სექტორის განვითარებას, ასევე შეაფერხებს ფერმერებს. აუცილებელია ამ სექტორის ხელშეწყობა ქვეყანაში რათა ჩვენმა შვილებმა ნატურალური რძე დალიონ და არა რძის ფხვნილისგან დამზადებული", - აცხადებს ბიზნესმენი.