თბილისი (GBC) - მაგთიკომი  21 წლის იუბილეზე აცხადებს.

კომპანია უკვე 21 წელია ბაზარზე წარმატებულად ოპერირებს, ნერგავს უახლეს ტექნოლოგიებსმ ქმნის საკომუნიკაციო სერვისებს და უზრუნველყოფს ხარისხიან კავშირს.

მენეჯმენტის ცნობით,  დღეს, როდესაც მაგთიკომს 21 წელი უსრულდება, მიღევები ასეთია:

• ყოველდღიურად 3 მილიონზე მეტი ადამიანი სარგებლობს მაგთიკომის სერვისებით: მობილური და ფიქსირებული ტელეფონიით, მაღალსიჩქარიანი ინტერნეტით, სატელიტური და IP ტელევიზიით;
• მაგთიკომი პირველ ადგილზეა საქართველოს მობილური ტელეფონიის ბაზარზე;
• მაგთიკომი პირველ ადგილზეა საქართველოს ინტერნეტის ბაზარზე;
• მაგთიკომი პირველ ადგილზეა საქართველოს სატელევიზიო ტრანზიტის ბაზარზე;
• მაგთიკომი ერთ-ერთი უდიდესი კომპანიაა ქვეყნის ეკონომიკაში შეტანილი წვლილის მიხედვით;
• მაგთიკომი კომპანიების პირველ 5-ეულში შედის საქართველოში განხორციელებული მსხვილი პირდაპირი უცხოური ინვესტიციების მიხედვით;
• მაგთიკომი საქართველოში მსხვილ დამსაქმებელთა პირველ 20-ეულში შედის;
• მაგთიკომს ასობით სოციალური პროექტი აქვს განხორციელებული ეგიდით „ჩვენ ქართულ საქმეს ვაკეთებთ“, რაც  ქართული მწერლობის, მხატვრობის, თეატრის, კინოს, მუსიკის და სპორტის პოპულარიზაციას და მხარდაჭერას ემსახურება.
• ერთ-ერთი უახლესი ასეთი პროექტია  მაგთის და დავით ალადაშვილის ერთობლივი ტურნე „პიანინო“, რომლის ფარგლებშიც პიანისტმა მოძრავ სცენაზე დამონტაჟებული პიანინოთი მთელი საქართველო მოიარა და კლასიკური მუსიკის 43 კონცერტი გამართა.  

„პიანინოს“ დასკვნითი კონცერტი  22 სექტემბერს, მაგთიკომის დაბადების დღეს, 17:00 საათზე რუსთაველის გამზირზე (#22-ში) გაიმართება და მასზე დასწრება ნებისმიერ მსურველს, უსასყიდლოდ შეეძლება.