თბილისი (GBC) - ეს უკვე მეტისმეტია! - ასე აფასებს გოლდმან საქსი -ის სახელის დაკავშირებას მარიხუანასთან ფინანსისტი ლევან სურგულაძე. 

"გოლდმან საქსი წარმოადგენს მსოფლიოში ყველაზე მაღალკვალიფიციურ და ძლიერ და პრესტიჟულ და საუკეთესო სტანდარტებით მართულ საინვესტიციო ბანკს. ეს ჩანს, მათ შორის, იქიდან თუ როგორ ღირსეულად და მინიმალური დანაკარგებით გაიარა ამ ბანკმა გლობალური ფინანსური სისტემის 2007-2009 წლების უმძიმესი კრიზისი, რომლის დროსაც რამოდენიმე წამყვანი საინვესტიციო ბანკი ან გაკოტრდა ან/და გაიყიდა "კაპიკებში". ასეთი კომპანიის აქციების ან/და მის მიერ მართული ფონდის აქციების ფლობა - ამ სექტორში ფულის დაბანდების ერთერთი საუკეთესო ალტერნატივაა. ვინც ეს თავის დროზე გააკეთა - ნამდვილად უშეცდომოდ იმოქმედა. არაფრით არ მესმის - მარიხუანასთან გოლდმან საქსის ან მისი რომელიმე აქციონერის კავშირის ლოგიკა - მძიმე მოსასმენი და წასაკითხია ნამდვილად", - წერს სურგულაძე სოციალურ ქსელში.