თბილისი (GBC) - საერთაშორისო ბაზარზე ქართველი დიზაინერების პროდუქცია კიდევ უფრო მოთხოვნადი ხდება. ბოლო 6 თვეში დიზაინერები უკვე სტაბილურად იღებენ შეკვეთებს. 

სააგენტოს „აწარმოე საქართველოში“ მხარდაჭერით,  7 ქართველი დიზაინერის პროდუქცია პარიზში (19-26 ივნისი) More dash Showroom-ში, Maison Pyramide- სა და Paper Mache Tiger -ის  შოურუმებში იყო წარდგენილი, შედეგადაც მათ საერთაშორისო ბაზარზე 220 000 ევროს ღირებულების პროდუქციის რეალიზაცია შეძლეს.

თუ შევადარებთ, გასულ შემოდგომა -ზამთრის კოლექციის რეალიზაციას, მაშინ 170 000 ევროს პროდუქციის ექსპორტი იყო განხორციელებული, მხოლოდ ევროკავშირის ბაზარზე.

პარიზში პროდუქცია წარადგინეს ქართულმა ბრენდებმა- “N-Duo”, “Dalood”, “Anouki”, “Tamuna Ingoroyva”, “Lako Bukia”, “Materia Tbilisi”, Ltd “Lya”.

აღსანიშნავია, რომ შოურუმები პარიზის მოდის კვირეულის ფარგლებში ოთხჯერ იმართება, დიზაინისა და მოდის სფეროში ერთ-ერთი ყველაზე მასშტაბურია და ტრადიციულად, მსოფლიოს სხვადასხვა კუთხიდან, 100-მდე კომპანიასა და 130-ზე მეტ შემსყიდველს (ე.წ ბაიერი) და პრესის წარმომადგენელს მასპინძლობს.

25 სექტემბრიდან 2 ოქტომბრის ჩათვლით, პარიზის მოდის კვირეულის პარალელურად არაერთი ღონისძიება და შოუ-რუმი იქნება გამართული, რომელშიც მონაწილეობად მინიმუმ 10 ქართველი დიზაინერი მიიღებს. დიზაინერების რაოდენობა შეზღუდული არ არის.