თბილისი (GBC) - ისრაელში წყლის რესურსის საერთო დეფიციტმა 2.5 მილიარდ კუბ. მეტრს მიაღწია, - ამის შესახებ ქვეყნის წყლის რესურსების მმართველმა უწყებამ განაცხადა.

„კლიმატური ცვლილება გვავალდებულებს წყლის ეკონომიას წვიმიანი სეზონების დროსაც კი, - ციტირებს უწყების პრესრელიზიდან რია-ნოვოსტი. 

წყლის შემცირების მთავარ მიზეზად ექსპერტები გლობალურ კლიმატურ ცვლილებებს ასახელებენ. ამ ფონზე კი, მოსალოდნელია ქვეყანაში წყლის მოხმარებაზე შეზღუდვა დაწესდეს, პირველ რიგში,  კერძო ნაკვეთების მორწყვის ქვოტებზე.

ყველაზე რთული ვითარება ქვეყნის ჩრდილოეთ ტერიტორიებზეა. სპეციალისტების შეფასებით, ზაფხულის სეზონის ბოლოსთვის ისრაელის უმსხვილეს ტბა კინერეტში წყლის დონე შავ ნიშნულამდე დაეცემა, ანუ 214.86 მეტრს ქვემოთ ზღვის დონიდან და გააგრძელებს შემცირებას საშუალოდ 1 სანტიმეტრით დღე/ღამეში.