თბილისი (GBC) - სააგენტო „აწარმოე საქართველოში“  საქართველოში ავტომობილების ნაწილების და კომპონენტების წარმოების შესაძლებლობას სწავლობს.

სააგენტომ ამ ინდუსტრიის კვლევა KPMG -ის დაუკვეთა, რისთვისაც 139 240 ლარს გადაუხდის.

ამ კვლევამ უნდა გამოავლინოს, რამდენად შესაძლებელია საქართველოში წარმოების ამ სეგმენტის განვითარება და ინვესტორების მოზიდვა.

KPMG -იმ საინვესტიციო პოტენციალი უნდა შეისწავლოს და მომდევნო 5 წლის განმავლობაში  ავტოსატრანსპორტო საშუალებების ნაწილების მწარმოებლებისთვის საქართველოს მიმზიდველობის შეფასება უნდა მოახდინოს.

კვლევა ავტოსატრანსპორტო საშუალებების ნაწილების/კომპონენტების სექტორში მინიმუმ 4 ქვე-სექტორის იდენტიფიცირებას მოახდეს, რომელშიც საქართველოს აქვს ექსპორტზე ორიენტირებული წარმოების განვითარების და პირდაპირი უცხოური ინვესტიციების მოზიდვის შესაძლებლობა;

აქვე მოხდება  საქართველოს 5 კონკურენტი ქვეყნის შესაძლებლობების  მიმოხილვა და საქართველოს კონკურენტუნარიანობის გამოვლენა.