თბილისი (GBC) - უორენ ბაფეტის ფონდმა Berkshire Hathaway -იმ Apple -ში, Goldman Sachs Group-სა და ისრაელურ ფარმაკომპანია Teva -ში კაპიტალდაბანდება გაზარდა.

ბოლო 3 თვეში ბაფეტის ფონდმა 6.08 მლრდ დოლარის ინვესტიცია განახორციელა,  მათ შორის,  21%-ით გაზარდა წილი Goldman Sachs -ში და ახლა 13.3 მლნ აქციას ფლობს ($2.92 მლრდ), Teva -ში წილი 7%-ით, 43,25 სადეპოზიტო ხელწერილამდე გაიზარდა, რომელთა ღირებულება 1.05 მილიარდი დოლარია. 

რაც შეეხება Apple -ს, ახალი მონაცემებით, ბაფეტის ფონდის ხელშია 252  მლნ აქცია, რაც 5%-ით აღემატება წინა მაჩვენებელს.   

Berkshire Hathaway - ს კუთვნილი  Apple -ს აქციების ღირებულება თითქმის $47 მილიარდია.  რაც Apple -ს 5%-ის შესაბამისია.