თბილისი (GBC) - ტურისტების ვიზიტისას ყველაზე ხშირად განხორციელებულ აქტივობებში შოპინგი  ლიდერობს.

პოპულარულ აქტივობაში შოპინგს გამოკითხულთა 72% ასახელებს. 

მეორე ადგილზე და ადგილობრივი სამზარეულოს და ღვინის დაგემოვნება (64.3%) დაფიქსირდა. მას მოსდევს ღირსშესანიშნაობების, კულტურული და ისტორიული ძეგლების მონახულება (30.3%)  

I კვარტალის შეფასების მიხედვით, საერთაშორისო ვიზიტორების მიერ განხორციელებული დანახარჯების ჯამურმა მაჩვენებელმა 1.4 მილიარდ ლარს მიაღწია, ხოლო ერთი ვიზიტისას გაწეულმა საშუალო დანახარჯმა 1,060 ლარი შეადგინა.

დანახარჯების ყველაზე დიდი წილი საკვებსა და სასმელზე (მთლიანი ხარჯები 29.6%) და განთავსების საშუალებებზე (22.2%) დაფიქსირდა. ასევე მნიშვნელოვანი წილით იყო წარმოდგენილი რეკრეაციულ და კულტურულ აქტივობებზე დანახარჯები (18.3%), ხოლო შოპინგზე ვიზიტორებმა მთლიანი დანახარჯების მხოლოდ 12.1% გასწიეს. დანახარჯების დეტალური ჩაშლა ქვემოთ არის მოცემული.