თბილისი (GBC) - სურსათის ეროვნულმა სააგენტომ ნიტრატების შემცველობაზე ხილისა და ბოსტნეულის კვლევის პირველი შედეგი წარადგინა.

სეს-ის ცნობით, აღებული იქნა 60 ნიმუში, მათგან 40 უკვე ჩაუტარდა  აკრედიტებულ ლაბორატორიებში კვლევა. 

ლაბორატორიული კვლევის თანახმად, ნიტრატების გადაჭარბებული რაოდენობა გამოვლინდა ნესვის ორ ნიმუშში, რომლებიც ბათუმსა და ქუთაისშია აღებული. 

ერთ შემთხვევაში ნიტრატების რაოდენობამ შეადგინა 480 მგ/კგ, ხოლო მეორე შემთხვევაში - 212 მგ/კგ (ნორმა - 90 მგ/კგ).

აღნიშნული შედეგის შესახებ ეცნობათ ბიზნესოპერატორებს და მათვე დაევალათ სურსათის ბაზრიდან გამოთხოვა. 

 ნიტრატების შემცველობაზე ხილ-ბოსტნეულის კვლევა გრძელდება. 

უკვე აღებული 20 ️ ნიმუშის ლაბორატორიული კვლევის შედეგების შესახებ ინფორმაცია დამატებით ეცნობება საზოგადოებას.