თბილისი (GBC) – ტრამპმა  ნიქსონის რეკორდი მოხსნა.  49 წლს შემდეგ, აშშ-მ უმუშევრობის  ასეთ დაბალ მაჩვენებელს პირველად მიაღწია.

ამ ტრენდზე, G&T-ის ანალიტიკოსმა გოგა მელიქიძემ „საქმიან დილაში“ (TV პირველი)  საერთაშორისო საფინანსო ბაზრის მიმოხილვისას აღნიშნა.

მან ტრამპის ხისტი პოლიტიკის გამო, 2-პოლუსიან  პროგნოზებზეც განაცხადა.  ფინანსიტების ნაწილი აშშ-ჩინეთის სავაჭრო ფორმატის ცვლილებით, მსოფლიო ეკონომიკისთვის  დიდი  გამოწვევის მოლოდინშია,  ნაწილი სიტუაციის ესკალაციას არ ელის.

ტრამპმა ტარიფების გაზრდის  შესახებ,  ჩინეთის  $500 მლრდ-იან  იმპორტზე,  გასულ კვირას განაცხადა.

ჩინური საფონდო ინდექსებიც დღითიდღე კარგავს პოზიციებს, ასევე  ჩინური იუანი.  ინვესტორები ეკონომიკის ზრდის  7%-იანი პროგნოზის გამართლებასაც ეჭვობენ.  ინდექსების ტრენდით ჩინეთს უთანაბრდება განვითარებადი ქვეყნები.

მთავარ საფონდო ბაზრებზე კი აქტივების მმართველები და ინვესტორები მსხვილი ემიტენტების კვარტალურ (Q2/2018) ანგარიშგებას ელოდებიან. 

ბოლო კვირის ტრენდით,  აშშ-ი ევროპას უგებს.  ევროზონა  ნულოვან მოგებას აჩვენებს.  ამერიკა  0.4%-მდე ზრდას. ბრიტანეთი უკეთესად პოზიციონირებს. ინფლაციური ფონი განეიტრალებულია, 2.1%-დან 1.9%-მდე  კლებით. მოლოდინების მოთოკვისთვის  აგვისტოში განაკვეთის გაზრდაა დაგეგმილი.

გოგა მელიქიძემ ბაზარი  ტრამპის ფაქტორის გარეშეც მიმოიხილა.  პასიურობა  სეზონური, ზაფხულის ფაქტორითაც აიხსნება.

მან ჩინეთთან ერთად,  იაპონიასთან აშშ-ის სავაჭრო ფორმატის  შესაძლო ცვლილებაც შეაფასა. ექსპორტ-იმპორტი  შემცირებულია. 2 დიდი ეკონომიკის  კოლიზიაც  ტრამპის ფაქტორს უკავშირდება.  იენა  დოლართან გაუფასურებულია.