თბილისი (GBC) - ბირთვული კვლევების ევროპულ ცენტრში (CERN) მიმდინარე „ატლასის“ ექსპერიმენტის დეტექტორისთვის  ალუმინის კონსტრუქციები  საქართველოში მზადდება. 

განათლების სამინისტროს ცნობით, 9 მეტრამდე დიამეტრის რადიაციისაგან დამცავი ალუმინის კონსტრუქციები საქართველოს ტექნიკური უნივერსიტეტის მეცნიერების ხელმძღვანელობით მზადდება.

კონსტრუქციები საქართველოში, ქარხანა „ელიტა-ბურჯის“ სამრეწველო ბაზაზე იქმნება და აღსანიშნავია, რომ დეტალების პროექტირება და დამზადება ISO-ს საერთაშორისო სატანდარტების მიხედვით ხორციელდება.

დღეს კონსტრუქციის ნაწილი, პირველად გაიგზავნება ჟენევაში, CERN-ში, სადაც საბოლოოდ, მოხდება სტრუქტურის აწყობა და „ატლასის“ ექსპერიმენტის დიდ „ჰადრონის“ კოლაიდერთან მიერთება.