თბილისი (GBC) - კომპანიამ 8000 მოსავლი  ახალი ღვინის მაღაზია/ბარი აბაშიძის ქუჩის 60 ნომერში გახსნა. 

იქ მისულ სტუმარს შეუძლია, როგორც ღვინის შეძენა, ასევე ღვინის
ადგილზე დაგემოვნება სხვა და სხვა აპეტაიზერებთან ერთად.

ბარში ღვინის მირთმევა შესაძლებელია მაღაზიის თაროს ფასით, ყოველგავარი ფასნამატის გარეშე.

8000 მოსავალში ყველა ღვინო მხოლოდ ფარული დეგუსტაციის გავლის შემდეგ
ხვდება. ახლა თაროზე წარმოდგენილია 723 რჩეული ღვინო, როგორც საოჯახო და
მცირე მარნებიდან ასევე ინდუსტრიული მეღვინეობებიდან. შეხვდებით ბევრ
ქართულ იშვიათი ყურძნის ჯიშისგან დამზადებულ ღვინოს საქართველოს თითქმის
ყველა რეგიონიდან.

8000 მოსავალი პირველად თბილისში 2 წლის წინ გამოჩნდა ქალაქის ურბანულ
ნაწილში, სულხან ცინცაძის 26 ნომერში. კომპანიის მისიაა რაც შეიძლება მეტ
ადამიანს გაასინჯოს და შეაყვაროს კარგი ქართული ღვინო და ეს პირველ რიგში
ქართველ მოსახლეობაში ღვინის სმის კულტურის განვითარებით უნდა მოხდეს.

სწორედ ეს იყო მიზეზი მეორე მაღაზიის ისევ ქალაქის ურბანულ ნაწილში გახსნისა.
საქმიანობის ორი წლის განმავლობაში კომპანია 17-დან 36 თანამშრომლამდე
გაიზარდა და ასზე მეტი ღვინის კლასი ჩაატარა. ფარულ დეგუსტაციაზე დაგემოვნა
2500 მდე ღვინო საიდანაც 723 შეარჩია. 8000 მოსავალი დღეს 173 მეღვინეობის
ღვინოს ყიდის.

კომპანია გეგმავს ქსელი კიდევ უფრო გააფართოვოს და ქვეყნის სხვა
ქალაქებშიც დაამატოს მაღაზია/ბარები.
m