თბილისი (GBC) - საერთაშორისო სავალურო ფონდი ეროვნულ ბანკს პოლიტიკას უწონებს.

„მონეტარული პოლიტიკა ვითარების შესაბამისია. ინფლაციის ტარგეტირების რეჟიმი, მცურავ გაცვლით კურსთან ერთად ფრიად გამოადგა საქართველოს. არსებული რეჟიმი კიდევ უნდა გაძლიერდეს“, - მიიჩნევს სავალუტო ფონდის მმართველი დირექტორის მოადგილე ტაო ჟანგი და სებ-ს  ფასებზე, ხელფასებზე, მონეტარულ და ფინანსურ პარამეტრებზე დაკვირვებას ურჩევს, რათა შესაბამისი მონეტარული პოზიცია შეიმუშავოს.

სსფ-ს წარმომადგენელი მიიჩნევს, რომ ,,გაფართოებული დაფინანსების მექანიზმით“ მხადრაჭერილი პროგრამის ფარგლებში გატარებულმა ფინანსური სექტორის რეფორმამ გააძლიერა სექტორის ზედამხედველობა და რეგულირება.

თუმცა, ტაო ჟენგს საფინანსო სექტორის რეგულირებისთვის რეკომენდაციებიც აქვს:  „კრიზისის მართვის ჩარჩო უნდა მოერგოს საუკეთესო საერთაშორისო პრაქტიკას. დაიხვეწოს სტრესის მართვის პროცედურები, შეიქმნას ბანკების რეზოლუციის ჩარჩო და სტრესის პირობებში ლიკვიდობის მიწოდების წესი“.

შეგახსენებთ, ფონდის აღმასრულებელ დირექტორთა საბჭომ დაასრულა 2018 წლის საქართველოს ეკონომიკის შეფასება „შეთანხმების მეოთხე მუხლით გათვალისწინებული კონსულტაციების“ ფარგლებში და ასევე საქართველოში ,,გაფართოებული დაფინანსების მექანიზმით“ მხადრაჭერილი მიმდინარე პროგრამის მეორე მიმოხილვა. რის შემდეგად, საქართველოსთვის ხელმისსაწვდომი გახდა  30 მილიონ ‘სპეციალური ნასესხობის უფლებას’ (SDR), რაც 42.25 მილიონი აშშ დოლარის ტოლია.