თბილისი (GBC)-  ლიბერთი ბანკში რებრენდინგია. 

ბანკის მფლობელის ცვლილებიდან 8 თვეში ბანკს განახლებული ლოგო აქვს, რომელშიც  ნაცრისფერი ფერი თეთრმა ჩაანაცვლა, თუმცა რჩება დომინანტი წითელი . 

ლიბერთი ბანკის ახალ კორპორატიულ სტილზე წამყვანმა ბრიტანელმა და ქართველმა სპეციალისტებმა იმუშავეს.

როგორც GBC-ის აცნობეს, ლოგოსა და სახელწოდებაშიც „ლიბერთი ბანკი“ გამარტივდა და დარჩა მხოლოდ სიტყვა „ლიბერთი“. ლოგო მარტივი, უშუალო, კრეატიული და თანამედროვეა. „ბ“ ასო განსაკუთრებით უსვამს ხაზს ახალ კონცეფციას - სიმარტივეს, გახსნილობას და თავისუფლებას.

"ახალი ვიზუალური სტილი ბანკმა 25 ივნისს სოციალურ ქსელებში ვიდეოთი გამოაქვეყნა. ვიდეო ერთგვარი ანონსია რებრენდინგის, რომელიც ლოგოთი დაიწყო და სამომავლოდ ყველაფერს მოიცავს - სერვის ცენტრებს, ციფრულ არხებსა და პროდუქტებს" , - აცხადებენ ბანკში. 

 "ყველაფერი იცვლება და ჩვენც ვიცვლებით... არ იცვლება მთავარი - ჩვენ ვართ ლიბერთი. ბანკი ყველგან და ყველასთვის" - ასეთია ბანკის მთავარი გზავნილი. 

შეგახსენებთ, 2017 წლის ოქტომბრიდან ბანკის მაჟორიტარი აქციონერია ნიდერლანდების სამეფოში დაარსებული  კომპანიამ „European Financial Group B.V.“  (შემდგომში „EFG“) . ამ გარიგების შედეგად ბანკის ბენეფიციარი მესაკუთრეები გახდნენ ირაკლი რუხაძე (აშშ-ის მოქალაქე), ბენ მარსონი (გაერთიანებული სამეფოს მოქალაქე) და იგორ ალექსეევი (აშშ-ის მოქალაქე).