თბილისი (GBC) - საბრძოლო მზადყოფნის გაძლიერებისა  და NATO-ს სტანდარტებთან თავსებადობის გაღმავებისთვის თავდაცვის სამინისტროს აქტივობებზე მინისტრობის კანდიდატმა პარლამენტში საკომიტეტო მოსმენისას განაცხადა. 

ლევან იზორიას თქმით, წელს,  საქართველომ NATO-ს  სტანდარტებთან  მიახლოება შეძლო:  თავდაცვის ბიუჯეტი  მშპ-ს 2%-ია და  ამ ბიუჯეტის 20% მიმართულია აღჭურვილობაზე.  

"ამ ფინანსებით შევიძინეთ ყველაზე ეფექტიანი ანტისატანკო სისტემა - "ჯაველინების"  სახით და ის უკვე საქართველოშია. ამასთან, ჩვენ განვსაზღვრეთ შესყიდვების გრძელვადიანი სტრატეგია, პირველად, თავდაცვის  სამინისტროს არსებობის ისტორიაში, რომელიც მოიცავს 2019 -2025 წლების პერიოდს და სადაც  განსაზღვეულია ძირითადი პრიორიტეტები, რომელიც ანტისატანკო სისტემასთან ერთად, მოიცავს  ანტისაჰაერო შესაძლებლობების გაზრდას. განსაკუთრებით, ტაქტიკური ანტისაჰაერო სისტემების უზრუნველყოფას. ამ მიზნით ვიმყოფებოდით აშშ-ში. ჩვენ გვქონდა პოზიტიური დაპირებები, რომ საქართველო მიიღებს, "ჯაველინებთან" ერთად, უახლეს ანტისაჰაერო სისტემებს - "სტინგერებს", - განაცხადა ლევან იზორიამ. 

როგორც ცნობილია საქართველოს "ჯაველინების"  შეძენა 160 მილიონი დაჯდება.  შესყიდვა ორ ტრანშად განხორციელდება, 2018 და 2019 წლებში.