თბილისი (GBC) - მთავრობის მიზანია საქართველო 4 სეზონის ტურისტულ ქვეყნად გადაიქცეს.

ამ გზით ქვეყანა ტურიზმიდან ახალ სახის  შემოსავლების მიღებას და წლის განმავლობაში მათ სტაბილურ განაწილებას შეძლებს.

მამუკა ბახტაძის პრემიერობით მთავრობას ტურიზმის მიმართულებით არაერთი ღონისძიების გატარება მოუწევს.   მათ შორის ტურისტული  და საგზაო ინფრასტრუქტურის მოწესრიგება და მომსახურებია ხარისხის ამაღლება.

გაცხადებულია, რომ პრიორიტეტული ხდება საქმიანი ტურიზმის განვითარება, რამაც თავის მხრივ, საქართველოში მეტი მაღალმხარჯველი ტურისტის მოზიდვა უნდა უზრუნველყოს. აქცენტი გაკეთდება სპორტული ტურიზმის განვითარების სტრატეგიაზეც, რაც ქვეყნის პოპულარიზაციასთან ერთად, განაპირობებს ქვეყანაში დამატებითი ინვესტიციების მოზიდვას. 

მიზნობრივ და პოტენციურ (მათ შორის მაღალმხარჯველ ევროპულ) ბაზრებზე მარკეტინგული აქტივობების გააქტიურება, უსაფრთხოების გაზრდა და კურორტების ისე განვითარება, რომ  4 სეზონზე იყოს შესაძლებელი მათი დატვირთვა, -  სამთავრობო პროგრამის ერთ-ერთი პრიორიტეტია.