თბილისი (GBC) - ლუხუნი ჰესი 2 -ის მშენებლობას "საერთაშორისო ენერგო კორპორაცია" დაასრულებს. 

კომპანია ინტერესთა გამოხატვის გამარჯვებულია და რაჭა-ლეჩხუმის რეგიონში მდებარე აქტივი გადაეცემა თუ "რუსთავი ჯგუფს"  4 546 500  დოლარს გადაუხდის. ასევე უნდა უზრუნველყოს მთავრობის მიერ ამავე კომპანიისთვის დაკისრებული 53 500 დოლარის გადახდა.  

“რუსთავი ჯგუფისთვის”, ვალდებულებების შეუსრულებლობის გამო, ჩამორთმეული პროექტის დასასრულებლად სავარაუდოდ 10 მილიონი დოლარის დამატებაა საჭირო. 

ჰესი ნახევრადაშენებულია და მასზე  არ მოქმედებს გარანტირებული შესყიდვის ვალდებულება. მის მფლობელს მხოლოდ ზამთრის 3 თვის განმავლობაში ევალება ელექტროენერგიის საქართველოში რეალიზაცია, ნებისმიერ მყიდველზე, თავისუფალ (დერეგულირებულ) ფასად.

ჰესის სავარაუდო დადგმული სიმძლავრე 12 მგვტ-ია.