თბილისი (GBC) -  საფინანსო სექტორის მარეგულირებელი მთავრობის მორიგი ინიციატივები  პარლამენტში გუშინ შევიდა, იმ დროს, როცა საპარლამენტო კომიტეტები ჯერ კიდევ  "სამაისო  პაკეტს"  განიხილავდნენ, მათ შორის  100%-იანი ეფექტური განაკვეთის 50%-მდე  და ვადაგადაცილებაზე  ჯარიმის შემცირების  საკითხებს.

ბინის, ავტომობილის ან სხვა ქონების უზრუნველყოფით  ფულის გასესხება ჯერ არ   იკრძალება.  გამსესხებლის სტატუსის გარეშე, რასაც სებ-ში რეგისტრირება და ₾10 000 -იანი მოსაკრებელი სჭირდება,  საქმიანობა 1 იანვრიდან შეიზღუდება.  5-ჯერ მეტი დაუჯდა  რეგისტრაცია  მ/ო - სუბიექტებს, რომლებმაც ეს ეტაპი უკვე გაიარეს.  რეგულაციის მორიგ  ნაკადში დაურეგულირებელი ყველა პირი ექცევა, მათ შორის შპს-ს და ინდ.მეწარმეც. ფიზიკურ პირებისთვის მსგავსი საქმიანობა კანონგარეშედ ჩაითვლება.

გამონაკლისად რჩება მხოლოდ  ე. წ  გირაო, ბინის დაგირავება  გარკვეული  ვადით საცხოვრებელი მიზნით, თუმცა  ერთ პირს წლის განმავლობაში 2-ზე მეტ-ჯერ არ შეეძლება.

საკანონმებლო ცვლილებები კორდინაციაშია სებ-ის დებულებასთან (https://www.nbg.gov.ge/index.php?m=340&newsid=3345).

პაკეტი რამდენიმე პროექტს მოიცავს, მათ შორის სამოქალაქო კოდექსში ცვლილებებს, რომელიც ნებისმიერ გამსესხებელს (ბანკი, მ/ო, ლომბრდი ...)  უზრუნველყოფაში  ჩადებული ქონების გარდა, სხვა ქონებაზე იძულებით მიქცევას უზღუდავს.  მაგ: ქონება თუ ₾1 000 -ადაა ჩადებული და   200 ლარით გაიაფდა, კრედიტიორი  800 ლარს უნდა დაჯერდეს. ამ დროისთვის კოდექსი მსესხებელს ქონებრივ პასუხისმგებლობას მთლიან  ვალზე, სრული ღირებულებით ავალდებულებს. ანალოგიური მიდგომი იცვლება  მხარეთა ვალდებულებების იპოთეკის ნაწილშიც.