თბილისი (GBC) - ბიზნეს ლედი ლაურა ღაჭავა შეფერხებულ Radisson Red-ის მშენებლობაზე საუბრობს.

 მისი ინფორმაციით, სასტუმრო თბილისში, ჭავჭავაძის 23 - ში, რამიშვილისა და ჭავჭავაძის კუთხეში უნდა აშენდეს, თუმცა იმის გამო, რომ გამომცემლობა "ტაბულას"  დამფუძნებლი თამარ ჩერგოლეიშვილი მისი სახლის წინ სასტუმროს მშენებლობას ასაჩივრებს, მშენებლობა შეჩერებულია.

“ჩვენ მაცხოვრებლები უკვე გადაყვანილი გვყავს ქირით, Radisson-ს მომსახურებაში ცალკე თანხას ვუხდით და შესაბამისად, ხარჯები დიდია და საქმე წინ ვერ მიდის”, - აცხადებს ღაჭავა და აღნიშნავს, რომ ყველაზე მეტად Radisson-თან კონტრაქტის გაწყვეტა არ სურთ, თუმცა კონტრაქტი გაწყდება, თუ სასამართლო მშენებლობის ნებართვას არ მისცემს.

Radisson-თან მოლაპარაკებებს ბიზნესმენი დავით კოდუა სწორედ ახლა მართავს, რაც კვირის ბოლომდე გაგრძელდება.

ღაჭავა იმედოვნებს, რომ სასამართლო გადაწყვეტილებას მათ სასარგებლოდ მიიღებს.