თბილისი (GBC) - ეროვნული ბანკის ცნობით, 25 მაისის ვაჭრობის შედეგად აშშ დოლარი გამყარდა და 2.4805 ლარი შეადგინა. ცვლილება 0.71 თეთრია. 

გამყარდა ევრო, რომლის კურსი 2.9044 ლარია. მაშინ როცა დღეს მოქმედი კურსი 2.8988 ლარს შეადგენდა. შესაბამისად, ევროს ცვლილებამ 0.56 თეთრი შეადგინა.

გაუფასურდა თურქული ლირა, რომელიც 0.5237 ლარს შეადგენს, ასევე გაუფასურდა ფუნტი და 3.3087 ლარი ეღირება.

დღევანდელი ვაჭრობის შედეგად მიღებული კურსები, ხვალიდან 26 მაისიდან შევა ძალაში.