თბილისი (GBC) -საქართველოში უმსხვილესი საბანკო-საინვესტიციო ჯგუფის გაყოფის დასრულებამდე 1 კვირა რჩება.

ჯგუფში აცხადებენ, რომ ეფექტიანი სქემა უკვე  აქტიურია. გაყოფის დასრულება ძალაში 2018 წლის 29 მაისის დილით შევა. მანამდე 21 მაისის დილიდან LSE -ზე უკვე  BGEO -ს სახელი შეეცვალა და Bank of Georgia Group-ის სახელით აგრძელებს საქმინობას, თუმცა მისი ტიკერი კვლავ  BGEO - იქნება.

 „საქართველოს კაპიტალის“ აქციები,  CGEO ტიკერით,  29 მაისის დილით ჩაეშვება პრემიუმ ლისტინგში. 

კომპანია 2 ნაწილად იყოფა და დაშლილი  BGEO ლონდონის საფონდო  ბირჟაზე   უკვე 3 კომპანიად იქნება წარმოდგენილი: „საქართველოს ბანკის ჯგუფი“,  „საქართველოს კაპიტალი“, რომელშიც საინვესტიციო აქტივებია თავმოყრილი და „საქართველოს ჯანდაცვის ჯგუფი“.

ამასთან, „საქართველოს კაპიტალი“ დროებით, 19.9% -ს შეინარჩუნებს „საქართველოს ბანკის ჯგუფში“, წილი ეტაპობრივად შემცირდება.