თბილისი (GBC) - ქუთაისის აეროპორტმა პარიზიდან პირდაპირი რეისით პირველი მგზავრები მიიღო. 

პარიზი ერთ-ერთია იმ 5 მიმართულებიდან, სადაც ქუთაისის აეროპორტიდან პირდაპირი ავიარეისები შესრულდება. Wizz air-ი ასევე იწყებს ფრენას  რომის,   ბარსელონას, პრაღას და ათენის მიმართულებით. იზრდება სიხშირეები ბერლინის და დორტმუნდის მიმართულებით. 

შეგახსენებთ, ქუთაისის აეროპორტში Wizz air- ს 2 ბაზირებული თვითმფრინავი ეყოლება. 

ეკონომიკისა და მდგრადი განვითარების სამინისტროს ცნობით, უნგრული დაბალბიუჯეტიანი ავიაკომპანიამ  ქუთაისის საეთაშორისო აეროპორტიდან ოპერირება 2012 წელს დაიწყო, საქართველოში 202 მილიონი აშშ დოლარის ინვესტირება განახორციელა და 250 ზე მეტი არაპირდაპირი სამუშაო ადგილი შექმნა.

ფართოვდება ქუთაისის აეროპორტის ტერმინალიც, რომელიც 2019 წლის დასაწყისში გაიხსნება.