თბილისი (GBC) -  ბაზარზე ლიდერის  პოზიცია, უნიკალური ბიზნეს მოდელი,  მნიშვნელოვანი ზრდის პოტენციალით და გამოცდილი მენეჯმენტის გუნდით - „საქართველოს ჯანდაცვის ჯგუფის“  მენეჯმენტი მიიჩნევს, რომ ჯგუფი  სანდო საინვესტიციო შესაძლებლობაა.

ვნახოთ რა წილს ფლობს  სამედიცინო, სადაზღვევო და ფარმაცევტული სერვისების მიმწოდებელი კომპანია საქართველოში.

I კვარტლის მონაცემებით, „საქართველოს ჯანდაცვის ჯგუფი“ სამედიცინო მომსახურების ბაზარზე 26.4% იკავებს, 3 320 საწოლის მქონე ჰოსპიტალური ქსელით.

ფარმაცევტული ბაზარის 30% აკონტროლებს. აქვს მსხვილი სააფთიაქო ქსელი, რომელიც თვეში 2 მილიონ კლიენტს ემსახურება, მათ შორის ჰყავს ლოიალური კლუბის 500 000 წევრი.

არის სიდიდით მე-2 სამედიცინო დაზღვევის პორტფელის მქონე. აკონტროლებს ბაზრის 27.9%-ს.

აქვს მოსახლეობის ყველაზე ფართო მოცვა, 37 საავადმყოფოს, 17 რაიონული პოლიკლინიკის, 24 ექსპრეს-ამბულატორიული კლინიკის და 256 აფთიაქის მეშვეობით.

შეგახსენებთ, საქართველოს ჯანდაცვის  ჯგუფმა I კვარტალში მიღებულ მაღალ მოგებაზე განაცხადა. ჯგუფმა იანვარ-მარტში 16 მლნ ლარის მოგება მიიღო, 23%-ით მეტი, გასული წლის 13,1 მილიონიან მაჩვენებელთან შედარებით.

GHG გენერალური დირექტორი ამბობს, რომ განვითარების გზაზე რთული პერიოდის დიდი ნაწილი გადალახულია და კომპანია ელის ყველა ბიზნეს-მიმართულებაში ზრდას, ამასთან მიიჩნევს, რომ არის ეფექტიანობის გაუმჯობესების შესაძლებლობაც.