თბილისი (GBC) - ეროვნულმა ბანკმა 4 საკრედიტო კავშირს ლიცენზია ჩამოართვა და ლიკვიდაცია დაიწყო.

საქმიანობა შეუჩერდა საკრედიტო კავშირ „უნივერსს“,   „მეჯინისწყალს“, „მეორე სვირს” და ასევე „მათხოჯის საკრედიტო კავშირს“. ოთხივე საკრედიტო კავშირში ლიკვიდატორი შევიდა.

ცვლილება შევიდა საკრედიტო კავშირების გადახდისუუნაროდ და გაკოტრებულად გამოცხადების წესშიც.  კერძოდ, თუ არასაბანკო სადეპოზიტო დაწესებულების ანგარიშზე არ არის თანხა დაიფაროს ადმინისტრაციული ხარჯები, ასეთ ხარჯს გაიღებს ეროვნული ბანკი.

ამ დროისათვის სებ-ში 4 საკრედიტო კავშირი რჩება რეგისტრირებული.