თბილისი (GBC) -  ჟურნალმა Time  100 ყველაზე გავლენიანი პირი დაასახელა. 

სია  5 კატეგორიად არის დაყოფილი - "ლიდერები", "ნოვატორები",  “არტისტები”, „ტიტანები“ და „იკონები“. თითოეული კატეგორიის გმირი სხვა ცნობილმა ადამიანმა დაახასიათა.  

„ლიდერთა“ შორის არიან აშშ-ს პრეზიდენტი დონალდ ტრამპი, ჩრდილოეთ კორეის ლიდერი კიმ ჩენ ინი, პრინცი გარი და მისი საცოლე მეგან მარკლი. მემკვიდრე პრინცი მუჰამედ ბინ - სალმანი. სიაში მოხვდა Microsoft -ის გენერალური დირექტორი სატია ნადელა. გასული წლისგან განსხავებით, გავლენიანთა შორის აღარ არის რუსეთის პრეზიდენტი ვლადიმერ პუტინი.  Time -მა, ის წელს კატეგორიისთვის როგორც ჩანს, შეუფერებლად მიიჩნია.

 „ნოვატორების“ კატეგორიაში არიან ამერიკელი მომღერალი Cardi B, მსახიონი ტიფანი ჰადიში და ის ბავშვები, რომლებიც ფლორიდის შტატში, პარკლენდში ერთ-ერთ სკოლაში მომხდარ სროლას გადაურჩნენ და იარაღის გაყიდვის შეზღუდვაზე აქციები გამართეს. ისინი   აშშ-ს 44-ე პრეზიდენტმა ბარაკ ობამამ წარადგინა.

„icon“- ები წელს  არიან მოძრაობა #MeToo -ს დამფუძნებელი ტარან ბერკი, რიანა და ჯენიფერ ლოპესი.

“არტისტების” სიაში მოხვდნენ გილიერმო დელ ტორო, ტელეწამყვანი ჯემი კიმელი, ნიკოლ კიდმანი, ჰიუ ჯეკმანი.

Time  -მა „ტიტანებად“ ჩათვალა SpaceX-სა და  Tesla Motors -ის დამფუძნებელი ილონ მასკი, ჩოგბურთელი როჯერ ფედერერი, ჯეფ ბეზოსი და ოპრა უინფრი.