თბილისი (GBC) - საქართველო-რუსეთის საზღვარზე ონლაინ Duty Free სერვისი ამოქმედდა.

ოპერატორი კომპანია MyDutyFree-ა, რომელიც რამდენიმე ქვეყნის აეროპორტსა თუ საბაჟო-გამშვებ პუნქტზე უკვე მუშაობს.

როგორც MyDutyFree-ში განმარტავენ, ქართულ ბაზარზე ახლახანს შემოვიდნენ და მათ პორტფელში ეს პირველი ონლაინ პროდუქტია, რომელსაც კომპანია საქართველო-რუსეთის საზღვრის გადაკვეთისას ადამიანებს სთავაზობს.

„MyDutyFree ეს არის მაღაზია duty free-ს ონლაინ ვიტრინა. ამიერიდან ყველას, ვინც კი საზღვარს კვეთს, შესაძლებლობა ეძლევა მიიღოს ინფორმაცია სხვადასხვა პროდუქტებზე და მათ ფასებზე. შეკვეთას მოლარე წინასწარ ამზადებს. მომხმარებელს ადგილზე მხოლოდ თანხის გადახდა უწევს“, - აცხადებენ MyDutyFree-ში.

ონლაინ მაღაზიაში განთავსებული სრული ასორტიმენტის ნახვა შესაძლებელია საიტზე www.mydutyfree.net    

MyDutyFree-ს მენეჯმენტი განმარტავს, რომ მაღაზიაში ხელმისაწვდომია ქართული წარმოების პროდუქციაც, თუმცა ამ დროისათვის ეს ძირითადად ალკოჰოლური სასმელებია. ყველაზე პოპულარული პროდუქცია ონლაინ მაღაზიაში ქალბატონების პარფიუმერიაა.

Mydutyfree, საქართველოს გარდა, 4 ქვეყანაში ოპერირებს: უკრაინაში, რუსეთში, ბელარუსში და აზერბაიჯანში.

საიტის mydutyfree.net გარდა, ხელმისაწვდომია მისი iOS და Android ვერსიებიც, რომლის საშუალებითაც შეკვეთის გაკეთება საბაჟოზე მოხვედრამდე ორი საათით ადრეა შესაძლებელი.