თბილისი (GBC) – შავ ზღვაზე საკონტეინერო გადაზიდვები 2017 წელს 12.75%-ით გაიზარდა.

steelguru.com  -ის მონაცემებით, უკრაინის, რუმინეთის, რუსეთის, საქართველოს და ბულგარეთის პორტებმა 2 752 709 TEU კონტეინერი გადაამუშავეს, მათ შორის 739 661 ცარიელი კონტეინერი იყო. დატვირთული კონტეინერების გადამუშავება 5-ვე ქვეყანაში წლიურად, 12.75%-ით არის გაზრდილი.

კონტეინერების გადამუშავებაში ყველაზე მაღალი ზრდა დაფიქსირდა რუსეთსა და საქართველოში, სადაც ზრდა შესაბამისად, 22.06%-ით და 17.61% -ია. 

დატვირთული კონტეინერების წილი 73.13% იყო, ცარიელის -  26.87%.

ოფიციალური სტატისტიკით, საქართველოდან ექსპორტზე გატანილი კონტეინერების მოცულობა 5.99% იყო გაზრდილი, იმპორტის - 19,72.

აღსანიშნავია, რომ საკონტეინერო ტერმინალების TOP-5-ში  ცვლილებაა. პირველ ადგილზეა რუმინეთში, კონსტანცაში მდებარე ტერმინალი DPW, მეორე ადგილზე დაწინაურდა ფოთის პორტი APMT Poti, მესამეზეა რუსული NUTEP, რომელიც მეოთხე ადგილიდან დაწინაურდა, ხოლო მეოთხეზე გადაინაცვლა უკრაინაში, ოდესაში მდებარე CTO -მ, რომელიც წინა რეიტინგში მეორე ადგილს იკავებდა. რუსული NLE მეხუთე ადგილზეა.

რაც შეეხება წამყვან ოპერატორ კომპანიებს, საკონტეინერო ხაზებში ლიდერობას ინარჩუნებს MAERSK-ი, შემდეგ მოდიან: MSC, ARKAS, COSCOCS და CMA CGM.

ეს კომპანიები ბაზრის 73.38% აკონტროლებენ.