თბილისი (GBC) -  აშშ-ს მიერ რუსეთის წინააღმდეგ დაწესებული ახალი სანქციების გამო ოლეგ დერიპასკას ქონება რამდენიმე საათში 960 მლნ დოლარით შემცირდა. 

აშშ-ს ფინანსთა სამინისტროს მიერ სანქცირებულთა სიის გამოქვეყნებას დერიპასკას კომპანიების EN+ Group -ის და UC Rusal  -ის აქციები 10-20%-ით გაუფასურდა.

თავად რუსი მილიარდერი აშშ-ს მიერ სანქცირებულთა სიაში მოხვედრის მიზეზს  "სასაცილოს და აბსურდულს" უწოდებს, - წერს RBC. 

სააგენტო ТАСС -თან დერიპასკამ თქვა, რომ აპირებს აღდგომის დღესასწაულის აღნიშვნას, რის შემდეგ, მომავალ კვირაში გააკეთებს ვრცელ კომენტარს. 

Forbes -ის ცნობით, აშშ-ს სანქციების გამო, პარასკევს 7 რუსი მილიარდერის ქონება ჯამურად, 1.25 მილიარდით შემცირდა.

აღსანიშნავია, რომ  აშშ-ს მოქალაქეებს და ამერიკულ კომპანიებს ეკრძალებათ ამ სიაში მოხვედრილ ფიზიკურ პირებთან და კომპანიებთან რაიმე სახის კომერციული ურთიერთობა.