თბილისი (GBC) - ცენტრ-პოინტის  დაუსრულებელი მშენებლობებს  შესაძლოა, m²-მა დაასრულოს.

მხარეებმა წინასწარი ხელშეკრულება გააფორმეს, რომლის მიხედვით,  თუ 6 თვის ვადაში „ცენტრ-პოინტი“ გარკვეულ წინაპირობებს შეასრულებს, m² „ცენტრ-პოინტის“ დაუსრულებელ კომპლექსებში სამშენებლო სამუშაოების წარმოებას დაიწყებს და 3 წლის ვადაში დაასრულებს. 

ამასთან, გეგმის მიხედვით, ხელშეკრულებით გათვალისწინებული წინაპირობების შესრულების შემთხვევაში, m² მხოლოდ სამუშაოების შემსრულებელ კომპანიად მოგვევლინება, რომელსაც „ცენტრ-პოინტი“ დაიქირავებს. სანაცვლოდ კი „ცენტრ-პოინტი“ m²-ს მის საკუთრებაში არსებულ თავისუფალ უძრავ ქონებას გადასცემს. რაც შეეხება დაზარალებულ ბინათმესაკუთრეებთან ურთიერთობას - ეს საკითხი „ცენტრ-პოინტის“ პრეროგატივად დარჩება. 

"ეს პროექტი ჩვენთვის ნაკლებად მიმზიდველია ფინანსური კუთხით, მაგრამ ის ჩვენთვის მნიშვნელოვანია სოაციალური კაპიტალის დაგროვების თვალსაზრისით. m2-ს სურვილი აქვს დაეხმაროს დაზარალებულ ოთხი ათას ოჯახს, საზოგადოებას, კომპანია ცენტრ-პოინტსა და სახელმწიფოს ამ მრავალწლიანი და მრავალშრიანი პრობლემის მოგვარებაში“, - აცხადებს m²-ის გენერალური დირექტორი ირაკლი ბურდილაძე.